Prinsipp for talentutvikling

I 21 år (2001-2022) har Norsk senter for folkemusikk og folkedans drive med talentutvikling for ungdom (kjernegruppa mellom 16-18 år) gjennom 3-årige ambulerande fylkesvise prosjekt – Bygda dansar (BD). Me vil her skildra BD sin måte å drive folkedanspedagogikk og talentutvikling på. Det som er skrive under er eit utdrag frå Bygda dansar-rapporten DEL 2. Pedagogisk arbeid i Bygda dansar forfatta av Siri Mæland og Sigurd Johan Heide.

3 viktige faktorar for ungdomsarbeid og talentutvikling for ungdommar

• Det sosiale miljøet og stemninga i deltakargruppa

• Moglegheita til å utvikle seg som dansar

• Instruktørane

Dette vart rapportert frå ungdommane sjølve om kva faktorar som var viktigst for å bli i prosjektet. Sjekk gjerne dei andre faktorane frå deltakarundersøkinga side 67, andre kolonne i DEL 3 av rapporten 20 år med Bygda dansar, side 67 (andre kolonne).

Det som har kjenneteikna BD sitt dansefaglege og dansepedagogiske arbeidet er:

• Folkedans som samværsdans

• Folkedans som teknikk og estetisk uttrykk

• Folkedans som tradert i lokalmiljø mellom generasjonar

• Talentutvikling

• Sceniske produksjonar

Foto: Thor Hauknes / Kulturfotografen.no

5 viktige prinsipp for det dansepedagogiske arbeidet har vore:

• Å dansa med – læring på gamlemåten

• Heia på personleg uttrykk

• Bruka lokale dansetradisjonar

• Bruka levande musikk

• Leik og samvær

Kjernen i danseopplæringa har vore:

• intuitiv rørsle- og musikkforståing (svikt, takt og rytme) i nybyrjaropplæringa

• å øva inn kva rammer og strukturar som er kjernen for kvar enkelt dans/danseform, og konteksten rundt denne

• å øva inn grunnleggande rytmikk, tak og formasjonar

• å øva inn rammer og strukturar for eventuell variasjon og improvisasjon knytt til rytmikk, tak, motiv og formasjonar

• å øva mot ein avslappa, avspent kropp: å vera rytmisk i heile kroppen for å kunna dansa saman med musikken

• å øva på dansikalitet: ulike typar kraft og dynamikk i same rørsle, og i med- eller motfase mot musikken

• å øva på å lytta – til eigen partnar, til musikken, til rommet

Tips frå BD til ungdoms- og talentutviklingsarbeid:

• Ha ein langsiktig plan og strategi for danse- og musikkarbeidet

• Personleg kontakt med ungdommane

• Rekruttering er ei sak – langsiktig dansearbeid ei anna

• Kven kan hjelpe meg/oss å nå måla – bygg nettverk

• Grep for læring, for å gjera dei til betre dansarar:

1. Repertoar (tenk progresjon for eit kjenrerepertoar, ikkje nødvendigvis «nye» dansar)

2. Dansefaglege mål (sett dansefaglege mål som både handlar om sosiale aspekt i gruppa – samværsdans, om koordinasjon og teknikk, om dansikalitet (rytme og variasjon i tyngde, balanse og dynamikk i forholdet til musikken) og om sceniske eller kunstnarlege mål om framsyning eller sceniske produksjonar er eit aspekt ved talentutvikling)