Samlinga etter Klara Semb

Klara Semb vart født i Kristiania i 1884 og er ein av de største referansane innan feltet folkedans og bunadar i Norge. Ho samla inn dans i heile Noreg og lagde ein terminologi for dansenedteikningar av norsk folkedans. Klara Semb var ein viktig figur i Noregs Ungdomslag kor ho også jobba som folkedanslærar, og ho la såleis grunnlaget for folkedanspedagogikk og instruktøropplæring.

Ho har også skrive bøker i bokserien Norske folkedansar mellom 1917 og 1961. I 1966 testamenterte Klara Semb alle rettighetene til bøkene sine til Noregs Ungdomslag slik at dei kunne halde fram arbeidet hennar. Etter Klara Sembs død i 1970, kom samlinga med bøker og fagmateriale til Egil Bakka som var sivilarbeidar hos Noregs Ungdomslag og hadde begynt diskusjonane om skipinga av Rådet for folkemusikk og folkedans. Slik ble samlinga deponert hos det som no heiter Norsk senter for folkemusikk og folkedans en gang mellom 1973 og 1974.

Materialet vart pakka i gamle koffertar som var hos Noregs Ungdomslag ei stund før dei kom til Trondheim. Egil Bakka tok ansvar for å registrere samlinga: “Vi fekk samlinga i koffertar og kartongar, og merkte kvar av dei med ein bokstav: A-N. Kvart ting innan kofferten fekk så nummer frå 1 og oppover, i den rekkefølgja dei låg”.

Samlinga inneheld bunadar, bøker, kartotek, foto, avisklipp, noter og forskjellege handskrivne og trykte papir som til dømes program, brev og faktura. Samlinga inneheld ca. 1400 registrerte element datert frå 1887, i tillegg til bunader som er hos Landsnemda for bunadsspørsmål.

I 2023 har Norsk senter for folkemusikk og folkedans og Noregs Ungdomslag vedteke å tilgjengeleggjere samlinga for å fremja Klara Sembs arbeid som folkedanssamlar og lærar, slik at hennar arv kan vidareføres til nye generasjonar. Samlinga etter Klara Semb tilgjengeliggjeres i Digitalarkivet frå 17. oktober 2024 som markering av Klara Sembs fødselsdato for 140 år siden.

Samlinga lanseres delvis, og nytt innhold lanseres hver måned fra oktober 2024 til oktober 2025.